Geschichte der Gilde
GildeWissen
Schriften der Gilde
Weiteres GildeWissen
GILDEWissen » Liedertexte
Wilshüser Schützenfest
Von Jan Huntemann
| Strophe 1 Pingsten ga mal na Wilshusen, Lat mal eenen Daler susen, Ga na`t Schützenfest mal henn, Dar kannst blaue Wunner sehn. |
Strophe 2 Dat de Lü sick präpareert, Ward vörher all dunnereert, Himmelfahrt geiht Trummelen los: "Kamrad kum!" datt klingt famos. |
| Strophe 3 Beide Pingsdag geiht na`n Holt, De Musik lehrt Springen bold, Ohne Saal danzt jedermann, Mit de Deerns, so good he kann. |
Strophe 4 Dritten Pingsdag all Klock veer Makt Schandal de Trummeler, All twee Stunden geiht:"Bumm bumm!" Och dat lewe"Kamrad kumm!" |
| Strophe 5 Klock ölben treckt de Wache upp, Offziere gaht naht`Rathus rupp. Denn kamt bold ok de Paraden Un de grode Kalwerbraden. |
Strophe 6 artig Mann ät säbenzig Pund, Bliewt darbi doch ganz gesund. Wachtmann spälen makt Pläseer, `n Buddel Wien giwt öwerher. |
| Strophe 7 Klock dree ward utmarschert, Us` General de kummt to Pärd, König wahrt sin Vagel blot, Alle drägt Cylinderhot. |
Strophe 8 Nu scheet se na`n isern Vagel, Scheet mit Kugeln, nich mit Hagel, König kriggt `n Kranz um `n Hot, Königin hät just so good. |
| Strophe 9 Mit Musik geiht in de Stadt, Schaffer giwt brun Beer von Fatt. Kringel, Ingwer un Citronen, Draw de Schaffer denn nich schonen. |
Strophe 10 Lange Piepen un Toback, Giwt de Schaffer her ganz klack, Offziere sitt in ähre Staben, Kiekt sick Spillwark an van baben. |
| Strophe 11 Mittewäk findt en Umtog statt. Väle Lüe sind denn schachmatt. De Wache spinnt de Frömden bi, Kriggt Lösegeld denn wie noch nie. |
Strophe 12 Willt ji good amiseern, Mät ji`t Schützenfest mitfiern. Dütt Jahr is`t besunners noch. Schützengilde läwe hoch! |
